ESKALADA

Gure 5. Mailako ikasleak Antsoaingo eskalada taldearen eskutik datorren asteko Rokopoliseko txangoa prestatzen hasiak dira.

Azpimarratu beharra dago aste honetan primeran pasa dugula eta eskalatzaile profesionalak ziruditela! Gogoekin geratu zinetenak ez kezkatu, hurrengo astean Rokopoliseko irteera dugu eta bertan egun osoa izango duzue eskalatzeko eta zuen dohainak erakusteko!

Lerro hauetatik ere eskerrak eman nahi dizkiegu Javi eta Pablori urtero bezala egindako lan itzelarengatik.

Hona hemen egun hauetako argazki batzuk:

Argazki gehiago ikusteko irudiaren gainean sakatu

BODYBALL TOPAKETA

Gorputz  Heziketako arlotik hirugarren hiruhileko honetan aurrekoetan bezala, jolastorduko garaian topaketak antolatu ditugu. Azkeneko hiruhilekoan Bodyball partidak izan ditugu eta 4, 5 eta 6. Mailako ikasleek parte hartu dute. Guztiak nahasiak eta elkarrekin aritzen ikusteko aukera izan dugu. Argazkietan ikus daitekeen bezala, denek primeran pasa dute elkarrekin jolasten!

Argazki gehiago ikusteko irudiaren gainean klikatu

EZKABAKO JOALDUNAK ESKOLETATIK ANTZOKIETARA IKUSKIZUNA

Maiatzaren 13an, igandean Ezkaba eskolako joaldun taldearekin Gayarre antzokian egon ginen, Sortzen ekarteak antolatutako ikuskizuna gure doinuarekin alaitzen.

Irudi gehaigo ikusteko argazkiaren gainean sakatu

AFRIKA ETA KOLOREAK

Gure eskolara ipuin kontalari bat etorri da, Julia Etxeberria. 2. mailakoei "Afrika eta Koloreak" ipuina kontatzera. Oso esperientzia polita izan zen, kontaketaz gozatu eta dantzatu genuen. Honekin lotuta, talde txikitan ipuina berridatzi zuten. Ekintzari bukaera emateko, arte lan zoragarriak egin zituzten eta erakusketa pasabidean dago. 

Argazki gehiago ikusteko irudiaren gainean klikatu

ARRUAZUKO GAZTATEGIAN

Hirugarren mailako ikasleak Arruazuko Albi gaztategian izan ginen apirileko azken astean. Bisita mamitsua izan zen benetan: mamia egiteaz gainera, ardiak nola zaintzen dituzten eta gazta nola egiten duten azaldu ziguten Aritz, Xabi eta Aitorrek. Artzain txakurrak erakustaldi bikaina eskaini zigun eta gehienak gazta puska eder batekin itzuli ginen Antsoainera. Eskerrik asko eta laster arte.

Argazki gehaigo ikusteko irudiaren gainean sakatu

 

1 ... 6 7 8 9 ...10 ... 12 ...14 ...15 16 17