Atala: "2. zikloa"

ARRUAZUKO GAZTATEGIAN

Hirugarren mailako ikasleak Arruazuko Albi gaztategian izan ginen apirileko azken astean. Bisita mamitsua izan zen benetan: mamia egiteaz gainera, ardiak nola zaintzen dituzten eta gazta nola egiten duten azaldu ziguten Aritz, Xabi eta Aitorrek. Artzain txakurrak erakustaldi bikaina eskaini zigun eta gehienak gazta puska eder batekin itzuli ginen Antsoainera. Eskerrik asko eta laster arte.

Argazki gehaigo ikusteko irudiaren gainean sakatu

 

UXUA LOPEZ-EN BISITA

Antartikaren inguruan hainbat aste lanean egon eta gero, astelehenean Antartikan egon den Uxua López Tafallako zientzialiaria gure eskolara etorri da bere bizipenak kontatzera. Milesker Uxuari eta emakume zientzialari guztiei egiten duzuen lan bikainagatik!

 

YOLANDA ARRIETAREKIN

Yolanda Arrietarekin kontu-kontari

Yolanda Arrieta idazlea eskolako liburutegian izan zen abenduaren 15ean, liburuz beteriko maleta lagun zuela. LHko 3. mailako ikasleek primeran pasatu zuten haren ipuinak eta bestelako kontuak entzuten. Neska-mutilen garuna ezezik, haien bost zentzumenak ere esnarazi zituen Arrietak. Etxebarriko idazleak Oinutsik Jauregian ipuina kontatu zien, beste hainbat poematxoren artean. Ikasleek idazlearen bizimoduari buruzko galderak egiteko aukera izan zuten, baita bere liburuak sina zitzan eskatzeko ere. Itzuli laster, Yolanda, gu ez gara aldaketaren beldur!

Argazki gehiago ikusi nahi izanez gero hemen sakatu

EZKABA MENDIAREN MAGALEAN

Hirugarren mailako taldeok goiz zoragarria eman genuen urriaren 24an. Lehendabizi Antsoain herri zaharrean izan ginen, eta ondoren Ezkaba mendiaren magalean egin genuen hamaiketakoa. Handik oso ongi bereizten dira ikasten ari garen Antsoaingo hiru auzoak (alde zaharra, herrigune berria eta industriagunea), baita Iruñeko auzoak ere. Eskolarako bidean hitz berri bat ikasi genuen: "orbela". Primeran pasatu genuen lagunekin eta hostoekin jolasean.

Argazki gehiago ikusteko hemen sakatu

4. MAILAKOAK OLLON

Urriaren lehenengo astean laugarren mailako ikasleak Ollora joan ginen hiru egun pasa. Primeran egon ginen baserriko animaliak ezagutzen, basoan zentzumen jolasak egiten, sendabelarrak biltzen eta ukendua egiten, kabi kutxak eraikitzen  eta nola ez, jolas gunean gure lagunekin disfrutatzen... 

Argazki gehiago ikusteko hemen sakatu

1 3 4 5 6