3 URTEKOAK ELKARREKIN JOLASEAN

 

Beste behin ere, eskola guztia patiora atera eta elkarrekin jolastu ginen! Zeinen ongi pasa genuen zezenen aurrean korrika egiten, baita 1,2,3 eguzkirekin ere! Hala ere geldi-geldi egotea ez da batere erraza....

 

Jolas kooperatiboak, Xaloa telebistan

Ezkaba ikastetxe publikoan "Jolas kooperatiboak" izeneko ekimena bihar, hilak 27, berriz ere eginen dugu; aurreko aldian Xaloa telebistakoek grabatu egin zuten.

 

Jolas kooperatiboen bidez ere, oraina eta geroa ereiten.

HIRU URTEKOAK ANTSOAINGO ERRALDOIEKIN

Atzo, hiru urteko ikasleak Antsoaingo erraldoien etxean egon ziren. Aukera izan zuten Maritxu, Tasio, Kattalin eta Pablorekin dantzatzeko eta haien barruan egoteko!!  Eskerrak eman nahi dizkiegu Ikerri, Davidi eta Migueli aukera zoragarri hau eskaintzegatik!

 

Xake erakustaldia Gazte Berriak-en eskutik

Euskararen Astearen baitan, atzo xake erakustaldi bikaina izan genuen Ezkaba eskolaren aterpean, arratsaldeko saioak bukatuta.

Zorionak parte hartu zenuten guztiei eta, bereziki, Gazte Berriak-eko monitore euskaldunei, mila esker anitz!

 

Bertso saioa Julio Soto eta Irati Majuelorekin

Bertso saio berezia izan dugu Ezkaba eskolan Euskararen Astearen kari. Xabier Terreros bertsolaritza irakasle izan duten 5. eta 6. mailako ikasleek bertsoak egin dizkiete Julio Soto eta Irati Majuelo bertsolariei: hona hemen lagin txiki bat

 

Egun on, Julio Soto

dotore zabiltza

ta Irati Majuelo,

zer moduz zabiltza?

 

Ilusioa daukagu

zuek ikustean

pozik jarriko gara

zuek abestean

 

Oso gustuko dugu

guk bertsolaritza

bertsoak egitea

da gure bizitza

 

Eskolara etortzea

ez dugu asko maite

baina ostegunetan

bertsolariz bete.

 

Gero, saio ederra eskaini digute bertsolari gazteek; bideoan, saioaren bukaerako agurrak dituzue entzungai.

1 ... 16 17 18 ...19 ... 21 ...23 ...24 25 26 ... 49