Atala: "Orokorra"

Xake-elkartrukea

5. mailako ikasleak 2. mailako ikasleekin bildu ziren xakean ikasi eta jolasteko.

Elkartruke interesgarri honetan, elkarrekin euskaraz aritzeaz gain, ederki ikasi zituzten xakearen arauak.

Jolas kooperatiboak udaberri egunean

Udaberria heldu dela eta, —aitzakia ezin hobea— ikasleen arteko jolas kooperatiboen elkartruketa egin dugu Ezkaba eskolan gaur arratsaldean.

JANTOKIKO TXALEKO GORRIAK

Ohitura onak lantzea behar-beharrezkoa da. Bada une bat bereziki zaindu nahi duguna, eta une hori da umeak gelatik jantokira joaten diren unea. Gelatik jantokirako  tarte horretan umeak ongi joan daitezen, poliki eta lasai,  beste baliabide bat txertatu dugu eguneko dinamikan: txaleko gorriak. Hori horrela, makinistarena egiten duten neskatoek edota mutikoek txaleko gorri bana eramaten dute orain. Txaleko gorriak erabiltzea oso positiboa izan delakoan gaude, eta jantokian ohitura onak jorratzen jarraituko dugu.

2016ko INAUTERIETAKO IRUDIAK

 


JOALDUNAK EZKABA IKASTETXEAN EGON DIRA

 


ELKARREKIN JOLASEAN ETA EZ ELKARREN KONTRA

 

Abenduaren 21ean, eskolako Euskara eta Bizikidetza Batzordeek antolatutako ekimen bat egin genuen. Arratsaldez, eskolako ikasle guztiak jolasean arituko ziren patioetan. Hiru urteko ikasleek beraien artean jolastuko zuten. Lau urteko ikasleak bost urteko ikasleekin arituko ziren; lehenengo mailakoak, bigarren mailakoekin; hirugarren mailakoak, laugarren mailakoekin; eta bostgarren mailakoak, seigarren mailakoekin.
Lehenago ikasitako jolas kooperatiboak partekatuko zituzten eta, nola ez, euskaraz egin zuten. Horregatik, ekimen xume honekin amaiera polita eman genion bukatutako hiruhilekoari; euskaraz eta jolasean. Ikasi genituen jolas hauen bitartez, elkarlana ezinbestekoa dela ikustea bultzatu genuen. Jolas horietan ez zen irabazlerik izan edo, hobeki esanda, denok izan ginen irabazleak. Jolas horiek ikasterakoan, euskara arlo ez akademiko batean erabili genuen. Azken finean, Urteko Programazio Orokorrean ikasrturte hasieran adierazi genuen bezala, euskara eta bizikidetza diren zutabeak sendotzerako bidean aurrerapauso txiki bat eman nahi izan genuen.

 

1 2 3 4 ...5 ... 7 ...9 ...10 11 12