EZKABA MENDIA - MEMORIAREN TOKIA

 

Maiatzaren 22an Ezkaba mendia bisitatu genuen. Udaberriko eguraldi ederrak lagunduta, mendiko bideari ekin genion. Bidean aukera paregabea izan genuen bertako landaretza ikusteko. Goitik, Iruñerriko talai horretatik, alde guztietarako bista ederraz gozatu ahal izan genuen.

Maiatzaren 22ko data oso aproposa izan zen Ezkaba mendia eta gotorlekua bisitatzeko. 1938ko maiatzaren 22an Ezkaba mendiko gortelkua kartzela izan zen hartatik, Europan inoiz izan den ihesaldirik handiena gertatu zen. 1936ko matxinadan atxilotutako 2.500 pertsona inguru zeuden gotorlekuan.  Horietatik, 800 inguruk parte hartu zuten ihesaldian. Alde egin zuten gizon guztiak armarik gabe egon arren, 200 preso inguru hil zituzten. Eraildako hauetako askoren gorpuak oriandik gaur egun ez dira agertu.

Koldo Pla bisitaren gidaria izan zen. Botilen Hilerrian egon ginen. Arreta handiz entzun genuen. Koldok kontatu zigunez, hilerri honetan Ezkabako kartzelan gaixotasunez hil ziren preso asko hemen lurperatu zituzten. Gorpu bakoitzaren ondoan beirazko botil bat jarri zuten. Botilaren barruan hildakoaren datuak idatzirik zituen paper bat sartu zuten.

Gero, gotorlekuan sartu ginen. Barruan ikusi genuen eraikuntza ikaragarria zen. Barruko patioak eta pasabideak zeharkatu genituen. Pentsaezina da milaka gizon errugabe haiek han barruan sufritu behar izan zutena (gosea, hezetasuna, hotza, tristura…).

Harez geroztik, urte asko igaro dira baina, hala ere, orain dela 79 urte gure eskolatik hain hurbil izan zen bidegabekeria eta sarraskia ezagutzeko eta ez ahazteko, merezi  izan zuen bisita hura egin izanak.

 

Argazkiak ikusteko irudiaren gainean sakatu


Baratzearen Astea

Gure eskolan Baratzearen Astea berriki ospatu dugu.

4 urteko ikasle guztiek, adibidez, gure patioa politago ikusteko, loreak landatu zituzten.

Oso ekintza polita izan zen, eta udal lorezainak laguntzera eta aldi berean erakustera etorri ziren. Bai jatorrak, Alfredo eta Jabo; eskerrik asko!

 

Orain loreak zaintzea guztion artean dagokigu.

IKASTURTE HONETAKO BITARTEKARIAK

Handiago ikusteko irudiaren gainean sakatu

 

Ikasturte berriarekin batera, Bitartekaritza zerbitzua ere martxan jarri dugu eskolan. Aurtengo bitartekari berriak prest daude arazoren bat duenari laguntzeko, LHko 3. mailatik 6. mailara. Laguntza eskatzeko bi modu daude: haiei zuzenean esanez, edota idatziz, eskolako postontzietan oharra utziz.

Seguru lan bikaina eginen dutela bitartekari hauek!


KONTU KONTARI

 

 

Euskarazko komunikazioa gure helburu nagusietariko bat izanik, ikasturte honetan ekimen berri bat martxan jarri dugu; Kontu kontari. Euskal Herriko ipuinak, beste herri batzuetako euskaraz irakurtzen ditugun ipuinak eta Euskal Herriko kondaira mitologikoak geletan landuko ditugu.

Lan hau ez da berria Ezkabako ikasleentzat. Horregatik gure ikasleek oso ongi dakite Galtzagorriak lagile finak direla, lamiak non bizi diren edo Tartalok zenbat begi duen. Guretzat ohikoak diren gaiak, ezagutzak eta testuei ikasturte honetan beste dimensio bat emango diegu. Gelan irakurri eta lantzeaz gain, eskolako beste ikaleei transmititu egingo diegu.  Hori dela eta, eskolan ohikoak izango dira ikasleen arteko ipuin kontaketak, antzezpenak eta mota guztietako aurkezpen ekimenak. Aldi berean, eskolako ikasleak elkar harremanatzeko aukera polita izango dugu. Zenbait momentutan, txikienak protagonistak izango dira landutako ipuina adin bereko gelari kontatuko eta aurkeztu dietelako edo handiagoengana joko dutelako. Beste egun batean handien txanda izango da eta Euskal Herriko pertsonai mitologikoen istorioak kontatuko dizkigute.


 

KONTU KONTARI - EGINDAKOA

2. MAILAKOEN EKIMENA


Lehen Hezkuntzako 2. Mailakoek “LAU ANAIA UMEZURTZAK” ipuina prestatu zuten.

Testua ongi ikasi  eta ipuinaren irudiak marraztu ondoren, 5. Mailako ikasleei kontatu zieten.

Ipuinak kontatzen du nola aita hil zitzaienean, lau anaia umezurtzak, munduan zehar sakabanatu zirela eta bakoitza lanbide bat ikastera joan zela.

Zazpi urte pasa ondoren, berriz elkartu eta bidaietan lorturiko tresna miresgarriak hartuta, erregearen alaba, herensuge baten hatzaparretatik askatzera joan ziren.

 


LAU ANAIA EMEZURTZAK



4. MAILAKOEN EKIMENA


HERENSUGEA

 

Otsailaren hasieran, 4. mailako ikasleek 1. mailako ikasleei emanaldia eskaini zieten. "Herensugea" antzezlana ilusio handiz prestatu zuten eta txikien gustokoa izan zen. Emanaldian, antzerkiaz gain, ipuinak kontatzeko Japoniako Kamishibai teknika erabili zuten. Bideoa hemen ikus dezakezue.

 

 

1. MAILAKOEN EKIMENA

 

LEHEN GIZAKIA

 

Lehengo mailan Lehen Gizakia gaia lantzen ari dira. Honekin lotuta, antzerki bat prestatu dute eta otsailaren 8an eta 9an 4. mailako ikasleek antzerkia ikusi zuten. Bertan Lehen Gizakien bizimodua; suaren aurkikuntza, janariaren bilketa, arropa garbitzen, tresnak egiten eta paretak margotzen azaldu ziren. Gelan arropak eta tresnak oso gustora egin zituzten. Bukaeran, Urkiren abestia azaldu zen.

Talde bakoitzak egin zuen antzezpenaren bideoa hemen ikus dezakuzue.

 

 

1 2 3 4 5 6 >>