Atala: "Ezkaba Mendia - Memoriaren tokia"

EZKABA PROIEKTUA - LAPBOOK

Pasa den ostegunean, azaroak 8,  Barañaingo Alaitz ikastetxera joan ginen 6.mailako ikasle batzuk. Bertan klasean landutako Ezkaba proiektua aurkeztu genuen. Honetarako gure proiektua lantzeko egindako Lapbookak eraman genituen eta binaka hango ikasleei  ikasitako guztia kontatu genien.

Oso esperientzia aberasgarria izan zen guretzat, egindako lanaz oso harro sentitu ginelako.  Mila esker Alaitzeko ikasleei entzule onak izateagatik! Bisita bat zor diguzue!

 

 Argazki gehiago ikusteko irudiaren gainean klikatau

 

You must be a member of this blog to see the comments. Log in now!


Form is loading...

IHESALDIAREN 80. URTEURRENA

Maiatzean memoria historiko hurbila ikasi dugu 6. mailan. Izan ere, azkeneko asteetan, Ezkaba mendian orain dela 80 urte gertatutako ihesaldia eta hark ekarri zuen sarraskia ezagutu eta aztertu dugu.

 

Gai honekin ikasleak oso motibatuta egon dira eta interes handiarekin irakurri dugu garai hartako lekukoek idatzitako testuak. Ezagutu ditugun gertakarien hurbiltasunak balio handia izan du motibazio horretarako. Ezin dugu ahaztu ikasle hauek duten adina, eta horren ondorioz beraiek egiten dituzten galdera batzuk ezin dizkiegula erantzun kontzeptu eta inguru historikoak menperatzen ez dituztelako. Azken finean, orain historia ikastea ez dugu helburu izan, beraien buruei egin dizkieten galderak egitea baizik; zergatik gertatu zen hau guztia?

 

Nafarroako Gobernuak planetarioan antolatu duen erakusketa ikustera joan gara. Bertan, Koldo Pla izan dugu gidari.Ezkaba mendira igo gara eta han, berriro Koldo Pla gidari, Gotorlekua  eta Botilen Hilerria bisitatu ditugu. 

 

Nafarroako Gobernuak orain dela bi urte plan bat martxan jarri zuen Nafarroan 1936ko matxinada faxistaren ondorioz fusilatu zituzten ehundaka nafar eta gaur egun nonbait lurperatuta daudenak aurkitzeko eta hilobitik ateratzeko. Horretarako, Aranzadi elkartearekin akordio bat sinatu zuen. Nonbait lurperatuta dauden ehundaka fusilatu horien artean, Ezkabako gotorlekutik ihes egindako eta ihesaren bidean fusilatutako gehienak daude. Gaur egun gelditzen diren lekukoen aitortzari esker, errepresaliatutako gizon haien gorpuzkinak tantaka agertzen ari dira. Agertu ahala, hilobtik etera eta identifikazio prozesuari ekiten diote bere familikoekin kontaktatzeko eta gorpuzkinak emateko. 

 

Maiatzaren 22an, 80. urteurrena betezen den egunean, gotorlekutik ihes egindako bi preso galiziarren gorpuzkiak hilobitik atera dituzte eta gure ikasleekin bertan egon gara. Esperientzia itzela izan da denontzat. Egoerak eskatzen zuen errespetuzko jarrera ederki erakutsi  dugu. Pako Etxeberriak eta Lourdes Herrastik emandako azalpena arretaz entzun eta nahi izan ditugun galderak egin ditugu. Harrigarria iruditu zaigu gorpuzkiak lurretik ateratzeko egiten duten lana. Tristura handia sortu digu ikusteak errurik gabeko 20 urteko bi gazte hauen gorpuek 80 urte hortxe lur azpian eman dituztela.

Egun ahaztezina asteartekoa!!!

Leranotz                                        Ezkabako gotorlekua

L     

 

You must be a member of this blog to see the comments. Log in now!


Form is loading...

EZKABA MENDIA - MEMORIAREN TOKIA

 

Maiatzaren 22an Ezkaba mendia bisitatu genuen. Udaberriko eguraldi ederrak lagunduta, mendiko bideari ekin genion. Bidean aukera paregabea izan genuen bertako landaretza ikusteko. Goitik, Iruñerriko talai horretatik, alde guztietarako bista ederraz gozatu ahal izan genuen.

Maiatzaren 22ko data oso aproposa izan zen Ezkaba mendia eta gotorlekua bisitatzeko. 1938ko maiatzaren 22an Ezkaba mendiko gortelkua kartzela izan zen hartatik, Europan inoiz izan den ihesaldirik handiena gertatu zen. 1936ko matxinadan atxilotutako 2.500 pertsona inguru zeuden gotorlekuan.  Horietatik, 800 inguruk parte hartu zuten ihesaldian. Alde egin zuten gizon guztiak armarik gabe egon arren, 200 preso inguru hil zituzten. Eraildako hauetako askoren gorpuak oriandik gaur egun ez dira agertu.

Koldo Pla bisitaren gidaria izan zen. Botilen Hilerrian egon ginen. Arreta handiz entzun genuen. Koldok kontatu zigunez, hilerri honetan Ezkabako kartzelan gaixotasunez hil ziren preso asko hemen lurperatu zituzten. Gorpu bakoitzaren ondoan beirazko botil bat jarri zuten. Botilaren barruan hildakoaren datuak idatzirik zituen paper bat sartu zuten.

Gero, gotorlekuan sartu ginen. Barruan ikusi genuen eraikuntza ikaragarria zen. Barruko patioak eta pasabideak zeharkatu genituen. Pentsaezina da milaka gizon errugabe haiek han barruan sufritu behar izan zutena (gosea, hezetasuna, hotza, tristura…).

Harez geroztik, urte asko igaro dira baina, hala ere, orain dela 79 urte gure eskolatik hain hurbil izan zen bidegabekeria eta sarraskia ezagutzeko eta ez ahazteko, merezi  izan zuen bisita hura egin izanak.

 

Argazkiak ikusteko irudiaren gainean sakatu

 

You must be a member of this blog to see the comments. Log in now!


Form is loading...